هيك

إنت رهاني الوحيد بالدنيا ..

إنت اللي بنسى الدنيا وأنا معك ..

إنت اللي كل شي .. وأول شي وآخر شي بحياتي كلها

وأنا ؟

Advertisements

بديت القصة تحت الــ ..

رح احكي قصة صارت بحياتي .. طويلة والها احداث كتير .. مابعرف من باب اني رح احكي مو اكتر ..

 

بعد صراع مع المرض .. وبعد مارفسته .. تحديدا بالسنة يلي تخرجت فيها من الجامعة .. خفت من كل الدنيا .. بعدت وخسرت كل الناس .. ماكان حدا منهن بيعنيلي شي .. خوفي كان اكبر من شوية ناس مصرين يضلو بحياتي قد ما نشفت وجهي معهن وعاملتهن بنشافة .. هديك الفترة كنت مجهزة حالي للموت نفسيا .. خلص عمجهز حالي لموت .. مافي شي حلو بالحياة .. بنفس الوقت كنت عم اعمل مجازر بالناس يلي حواليي لأني ماكنت طايقة حدا.. هالشي طبعا كان نتيجة المرض وعلاجه وتعبه ورفسات من هالدنيا … بهالوقت ماما كانت تشوفني تعبانة وعمببكي .. تقلي كلو خير يابنتي وتبتسملي .. لما خبروها بمرضي قالت الحمدلله يابنتي والله رح يشفيكي وفورا وزعت صدقات وقعدت جنبي بالمشفى .. تصلي وتقرأ قرآن .. ودمعة مانزلت من عينها قدامي … ازا في حدا ممكن يقنعني انو الدين هو شي منيح كتير فهو أمي وبس وبس … اخ يا امي اشتقتلك كتير … اشتقت اصرعك بحكياتي البايخين يلي بلا معنى ومنطق ..

بهالفترة كنت انسانة ميتة عالاخر .. لا حلم لا طموح والمرض هد حيلي ونفسيتي .. بهالفترة كان في بحياتي صديق احكي معه على الانترنت .. صديق وقف جنبي لما كل يلي حوليي رفسوني .. هاد الانسان غير حياتي كلها .. هاد الانسان حيضل عايش .. مو عدل انو يموت .. مو عدل …

كنت اصلي كل الصلوات ودايما استغفر ربي و و ..

يتبع.

قال وقيل

قالولنا انو ايام الطفولة احلى .. قلنالهن بدنا نكبر

قالولنا الجامعة احلى .. قلنا بدنا نتخرج

قالولنا الحرب بتاكل الاخضر واليابس .. قلنالهن واللي راحو؟ وضلو الكل يروحو وهيك .. اخ بس

وضاع العمر بالقال والقيل .. ايوالله