هي كان يامكان في قديم الزمان
إجا لعنا ولد صغير من أقاربنا
ومن كلمة لكلمة وأنا عمأحكي معه ، قلتله عطيني عيونك الخضر
قللي لأ ، مافي تاخديهن !
سألته ليش ؟
قللي عيوني أحلى من عيونك :-/
قلتله بعرف ، مشان هيك بدي ياهن 
قللي الحق عليكي ، لو بدك عيون خضر كنتي طلبتي من الله كتير كتير انو يعطيكي عيون خضر وقلتيله أنك بتحبيهن -___-
قلتله انت هيك عملت؟
قللي إيه ! أصلا أنا بحب اللون الأخضر أكتر شي منشان هيك الله عطاني ياهن -_-
قلتله مااااااااشي يا أبو راس كبير ، مارح طعميك بليلة
…
هلأ بصفنة صغيرة بكلامه ، لاقيت فيه وجهة نظر
أنه فعلا لما بيكون شي خير بحقنا ومنحبه كتير ، الله بيسره بطريقة أو أخرى 
إي ولساتني بحب العيون الخضر 
Like this:
4 bloggers like this post.
هههه في مرة قريت ، انو بتقدري تغيري لون عيونك
قال بتقعدي بمكان بتخليه كلو من اللون اللي بدك ياه ، اخضر؟ الحيطان خطر التخت اخضر المكتب اخضر، وبتضلي تتخيلي عيونك انو خضر ومابتطلعي عالمراية هييك لحتى تصدقي الكذبة بيقومو بيصيرو خضر
هي تبع البرمجة اللغوية عرفتيا؟
–
ومزبوط كلامك ، لما بدنا شي وبيكون خير النا بيتيسير بطريقة أحيانا ما منفهما لبعد ما تمرق
الله يقدملك اللي فيه الخير ويرضيكي فيه ، اخضر اسود مابتفرق المهم خير