يوليو 25 2011

ع الهامش ..

مممممم تعودت كل فترة أكتب شوية فشات خلق ع فيسبوك ، رح اكتبهن هون وعمرو ماحدى يرت

صحي مرحبا ..

رح احكي عن شغلات حابة احكي عنها وبدي فش خلقي شوية ..

عفكرة اسم مدونتي جواب مستفز جدا صار يستخدم كعزاء لكل مصيبة .. دوما الناس مستعدة تقللك مو مشكلة !

مع انو الشغلة بتكون كبيرة ، ورح تحطمك هي اذا ماحطمتك .. بس بيقولو مو مشكلة .. هلأ هالكلمة مستفزة كتير .. بس أنه كمان الناس معهن حق .. مارح يبكو معك ويزودوها عليك .. افهمها بقى يا بني آدم !

يعني .. رسبت بالدراسة .. مو مشكلة

خسرت بتجارتك .. مو مشكلة

حاسس حالك مخنوق .. عادي .. مو مشكلة

حدى دبحلك قلبك .. عادي بتصير .. شبك ولو .. اي بتصير .. وطبعا مو مشكلة !

حدى بهدلك وشرشحك وجردك من كل شعورك بالانسانية .. معلش يا ابني .. هيك الدنيا … مو مشكلة !

انطفت الكهربا .. مو مشكلة .. تعودنا

راح الصبي .. مو مشكلة .. الا مايرجع .. أو ……. يجي غيرو !

اختفاء بني ادم ع غفلة طب غم من حياتك .. عادي .. ولو هيك بدون اسباب او يقلك مع السلامة .. هي بالذات .. عـــــــــــــــــــــادي .. ومو مشكلة !!

في فقر بالدنيا .. اي عادي مو مشكلة .. هيك الدنيا ، بعدين هدول الهن الجنة يوم القيامة  !!

شب لطشني بالشارع .. اي مو مشكلة ولو .. بتصير !

انو نشوف ناس حياتها عمتنهدم بدون أي سبب .. مو مشكلة هيك الدنيا .. لك بس فهموني كيف :(

أنو تشوف بني آدم بهيم ( ياعيب الشوم منكن) عامللي حالو فهمان ومثقف ومتبني قضية ولاحقلي جماعة المثقفين .. لك أنو جد جد جد .. وحياتو ل الله مو مشكلة .. بس يقعد يتفهمن عليك وهو واثق من حالو .. كمان مو مشكلة !!!!!! كتير هيك

وأكيد بتعرفو الكمالة … خلص ماعاد عنا مشاكل !

لأيمتى ؟ مو مهم .. المهم نضل نبعدعن كل المشاكل بقولنا مو مشكلة .. اي نهرب .. يمكن هيك أريح لراسنا ..

بس أنو مو (مو مشكلة) anymore !!

3 comments on “ع الهامش ..”

  1. اي بسيطة ولووو ،،
    شو هالمشكلة ؟
    عادي بتصير ،
    كلو لخير ،
    يا ستي ما بيصير الا اللي كاتبو الله ،

    هي عدة عبارات للمضمون نفسو ، اذا مليتي وحبيتي تغيري :D

    رد

  2. نحنا بحاجة لتفاؤل الـ “مو مشكلة” لنستمر ، يجب قرنها بالعمل لتحويلها لـ “مو مشكلة” ، فهي تحمل تحدياً لما نواجهه.
    يحضرني مقال نسخته في احدى تدويناتي عن الموضوع ، قد يرفده http://bit.ly/pJPY85
    تحياتي

    رد

  3. غريب كيف مو مارقة لهون انا قبل !!!
    شكلا المدونة كتير ظريفة :)
    اما ااتدوينة ف يا ستي عنجد نيالنا شو شعب خالي من المشاكل . الله يحمينا :) .. ولو انو كنا منبسط الامور بالحياة عنجد ومو بس ب ( مو مشكلة ) كنا صرنا بغير محل يمكن

    تحية :)

    رد

اترك رد

Fill in your details below or click an icon to log in:

Gravatar
WordPress.com Logo

You are commenting using your WordPress.com account. ( Log Out / تغيير )

Twitter picture

You are commenting using your Twitter account. ( Log Out / تغيير )

Facebook photo

You are commenting using your Facebook account. ( Log Out / تغيير )

إلغاء

Connecting to %s