أول شي وقبل كل شي .. الرحمة لشهداء سوريا … أول شي وآخر شي .. وفوق كل كلام … الفاتحة على أرواحهم ..
تاني شي .. ياجماعة أنا رح طق وأنفجر من هالوضع يللي صاير .. كتير هيك .. بلدنا بتستاهل أحسن من الشي يللي عميصير
وأهل بلدنا ناس طيبين ، بيستاهلو نعيش كلنا سوا أحلى عيشة ..
أنا بكره السياسة ، وبكره آخد وأعطي فيها ، لكن بعد يللي صار تكون إلي رأيي الخاص ، يللي متأكدة أنو ماحدا رح يحترمه
إيه .. صار الوضع كما يلي .. كل واحد ماسك رأيو ومو مستعد يسمع التاني .. وللأسف لما حدا بيختلف مع حدا ممكن تصير خناقة ويشتغل السب ..
الوضع صعب كتير ، ولنطلع منو لازم الكل يتصرف بحكمة ويبعد مشاعرو شوية ويتصرف بعقل وروية ..
قبل ما قول آخر شغلة ، من قلبي بتمنى الله يحميلنا سوريا وأهل سوريا وكل شي بسوريا لأنو بتعرفو شو هي سوريا ؟
هي أحلى شي بالدنيا !
منرجع لشغلتي .. بتعرفو هي النكتة يللي بتقول ، أجو ناس بسيارة وقفوه لواحد قالولو ، ولا إنت معنا ولا معهن ؟ قاللهم : معكن سيدي ، قلو الرجال اي نحنا هنن !!
ويللي صاير هلأ .. مع أو ضد ، وماعاد حدا تقبل رأي التاني ، حقهم ، الحقيقة كتير مغبّشة وعليها Blur
عسيرة مع أو ضد ، مبارح شفت كابوس أنو أنا صرت مع فريق السنافر الزرق ، والسنافر الحمر عميطاردونا !!!
وهالصورة بتوضح شوية نتائج من المع أو الضدّ 
هععععععععع أنا سنفور أحمر وبدي آكلك
لا حول ولا قوة إلا بالله، ما عاد حدا مقدر قيمة الروح…
اي بالفعل حاسس متلك أنو العالم بعد حرمان طويل من قول رأيها انفلشت دفعة وحدة وبدها تاكل راس اي واحد ما بيحكي متلها مع أنو حركة الشارع مطلوب منها العكس وهو البدء وبقبول الآخر طالما أنو كان فيه الغاء للآخر من قبل بس الآخر هالمرة بدو يلغي الآخر الأولاني ويا قاتل يا مقتول… كلو أكشن فكري وممارسة
معاذ ، الله يرحمنا بس ..
كنان ، عنجد اي ، حكيك صح تماما ، يا قاتل يا مقتول
كأنو الوضع ناقصو خلاف 
أنا أيضا يحزنني ما أرى في سوريا
و بما أني بعيد عن الميدان فلا يمكنني الحكم عن قضيتكم
غير أنني أرى توريث الحكم و حكومة الحزب الواحد أراها نوعا من الدكتاتورية البغيضة التي لابد أن تزول مهما كلّف الثمن
المشكلة الأكبر هي أنه المؤيد خايف بنظر المعارض
و المعارض خائن بنظر المؤيد
و على هيك مثله
و ما حدا بيحترم وجهة نظر الثاني
و مشكورة على كلامك الحلو
لأنه أحلى شغلة بالمدونة أنها بالعامية
انا مع الحق